ብጹእ ወቅዱስ ኣቡን ቀዳማዊ ቄርሎስ 5ይ ፓትርያርክ ወርእሰ-ሊቃነ ጳጳሳት
ኦርቶዶክስ ተዋህዶ ቤተ-ክርስትያን ኤርትራ፡ ብዝሓደሮም ሕማም ኣብ ውሽጢ ሃገር
ዘድሊ ሕክምናዊ ረድኤት ክግበረሎም ድሕሪ ምጽናሕ፡ ትማሊ 2 ታሕሳስ ኣብ ሰዓታት
ድሕሪ-ቐትሪ፡ ኣብ መበል 96 ዓመት ዕድሜኦም ኣብ መንበሪ ቤቶም ብሰላም ዓሪፎም
ቅዱስ ሲኖዶስ ኦርቶዶክስ ተዋህዶ ቤተ-ክርስትያን ኤርትራ፡ ብዕረፍቲ ብጹእ ወቅዱስ ኣቡን ቀዳማዊ ቄርሎስ – 5ይ ፓትርያርክ ወርእሰ-ሊቃነ ጳጳሳት ዝተሰመዖ ሓዘን እናገለጸ፡
ንኣፈጻጽማ ፕሮቶኮላዊ ስነ-ስርዓት ቀብሮም ዝምልከት ሓበሬታ፡ ኣብ ዝቕጽል መዓልታት ክግለጽ ምዃኑ ይሕብር።
ብጹእ ወቅዱስ ኣቡን ቀዳማዊ ቄርሎስ፡ ብ13 ግንቦት 2021 እዮም 5ይ ፓትሪያርክ
ወርእሰ-ሊቃነ ጳጳሳት ኦርቶዶክስ ተዋህዶ ቤተ-ክርስትያን ኤርትራ ኰይኖም ተሸይሞም።
